PS3 - Mirror's Edge

( Cantonese / Tradition Chinese / English )

跑步除了對身體好，原來可以咁好玩！

人類天生有審美觀念，睇倒醜女做封面就無咁開胃。其實呢隻GAME難度唔高，而且仲非常好玩。入面的跑步運動叫 FREE RUN （無視障礙跑去目的地），主角係受政府欺壓的組織，為左傳送郵件，就要在大樓的天台間穿插，內裡的成員都自少就訓練成 FREE RUN 高手。

遊戲中全以第一身視點進行

可能睇人地玩，要左閃右避又要對準位跳遠，做出一連串像電影追逐般的動作，睇落好似好複雜，但只要拿上手，所有華麗的動作原來都係易如反掌。每闖一關絕對有覺得自已身手原來咁勁的感覺！

總結：
上次介紹了一款EA出品的垃圾，而本作只係封面和主角做型有點特別，使人選購時都唔會多望一眼，或遊戲畫面看似簡單，其實係好有藝術美。係度再次強調呢隻GAME係非常之好玩！隻GAME巳推出了一個長時間，巿值約港元90左右。未玩過不妨買返隻啦～

( Cantonese / Tradition Chinese / English )

2013 樓市 : 政府收招難實現

政府出左咩辣招唔再多講。

成交處於價升量跌，樓價超 97，但成交量少到得3千踪一個月，被喻為沙士等量（可能現在更少），代理營業員真係苦過 DI DI。有價又無人買，在公充價值原則下，現今樓價是否應有的價值？

即係咁既，呀Ａ君話我舊石值５蚊，但又無人買喎，不過佢又可以拎５蚊去銀行套現借５蚊出來洗。即係舊石仲值唔值５蚊？

我想強調的是，資產可以自由套現才能附合公允價值，即是既可以在銀行套等，也可以在買賣巿場裡自由套等。但而家公允價值（FAIR VALUES) 的法則巳經明顯扭曲。

今次搞到連司老伯都要出聲，希望政府收招。我就打個比喻：

鬥牛佬話，呢隻牛食左DNA飼料，好猛，耕田快收成，不過成日比佢落田咁切法，好快心衰竭，到時大家一獲熟。始終飼料非天然，經食物鏈咁食法會食死人。

呀村長話，咪由佢羅，反正我地不停進口超級飼料，食死佢再算。你地７年後會培植多點牛仔呢～　仲有港人港牛。反正都係牛毛出在牛身上。

鬥牛佬（政府）就話攤長來玩，都係綁著佢等佢慢慢耕田，收成無咁快，隻牛咪唔駛咁快死羅～HEHEHEHE～

呀村長話，你係咪硬膠架！？明明今年收成１０蚊，你又壓著佢今年得７蚊，你唔食，我班手下都要開飯架？？？

鬥牛佬又話，喂～！而家鬆繩，隻牛實一野沖左去控制唔倒！你係食呢一浸水之後，到時就大家一獲熟點算？

＝＝＝＝＝＝＝＝＝＝＝＝＝＝

政府現在收招恐怕是無可能，真需要收招時，只有經濟崩潰。

Time Crisis: Razing Storm

( Cantonese / Tradition Chinese / English )

火線危機：烈火風暴

過時玩意

當時來講，動態體感PS MOVE 的廣告賣到好落本，仲出現缺貨情況，好似好流行的感覺，事實上無太多人鐘意。呢隻GAME都係較早期作出的支援。後來對應PS MOVE的遊戲都根本唔多。

只要對著畫面不停射和上彈，玩法無咩特別可言。

一碟附三GAMES，睇落好化算：

1）TIME CRISIS 4

2）TIME CRISIS STORM

3）DEAD STORM PIRATES

YOUTUBE 介紹 

其實，玩法都係一樣。最吸引的內容係TIME CRISIS STORM，畫面一流，但關數少得可憐。另有MISSION MODE 和 STORY MODE。STORY MODE 用 PS MOVE 當作 FPS 玩，感覺都幾辛苦，入面用的武器仲介比較奇怪，總之就唔好玩啦。

 

總結：

呢種射擊遊戲係當時至今，巳經係一種過時玩意，呢種單純的玩法巳經唔係今天機迷可以滿足倒。呢隻GAME就真係可有可無，純粹係比人體驗PS MOVE技術，玩一日巳經夠你悶死。

(以上原文是繁體中文書面語為原版本)

( Cantonese / Tradition Chinese / English )

PS3 ﹣ Army of TWO

( Cantonese / Tradition Chinese / English )

邊個話EA出品必屬佳品？

今次真係老牌公司都出垃圾～！

坦白講，打爆左隻GAME，我都唔知個故仔講乜春，只係提及2個GAY佬在上海遇上災難不斷逃生。

表面係一款FTS遊戲。遊戲特色係二人單機，任何行動都要2個人進行，可以A指揮B引開敵人從後包炒，反過來用B作指揮都可以，而敵人的智慧會因應你的行動有變化。

不過，角式做形唔討好，槍戰欠真實感，解像度差之餘，場景瞄繪也是不淪不類，所謂的上海，完全係沒誠意的堆切。總之隻GAME好鬼的無聊，根本就唔好玩。遊戲當時好快跌價到 HKD 90蚊，今日巳經沒貨。

看圖片再加上EA出品，好似唔會差得去邊。在此勸大家，唔好曬時間，答案是認真差，差到你唔信！

(以上原文是繁體中文書面語為原版本）

( Cantonese / Tradition Chinese / English )

Uncharted 2: Among Thieves

( Cantonese / Tradition Chinese / English )

巳經2年前打爆機。第一集巳經勁好玩，讚不絕口！ 
（第一集介紹：只有書面語版本）。

今集畫面更細緻，劇情真係比上集刺激好多倍！場境會出現複雜的雪景、高原、西藏村落。網絡上看到的照片唔係播片，而係遊戲執行可見的超強解像度。遊戲仍然保持易操控，同樣適合新手。更有網評指呢集係好到連第三集都比唔上！

故事說主角 DRAKE 仍然找尋古人的足跡，為求找到寶藏，當然又遇上壞人爭奪。

美女～記者：Elena fisher

上集的女記者原本跟主角經歴患難而相戀，今集就講佢地因工作關係而引致性格不合。

新女友 ：Chloe Frazer （她和女者記都好重手。。。）

身手了得，騎功出色！叫吧～！！！

至。。。奇怪在呢。。。主角竟然重口味到跟一個黑鬼有路，什至連佢地搞野的畫面都有埋。

整體而言，此作品就是源於簡單，係集解謎、射擊、格鬥、跳躍於一身的動作遊戲，更加係有PS3必玩既佳作。

陸續會繼續寫下遊戲報告，會製作三文兩語版本，港、台、英，純粹自我磿練三種語文文化。

(以上原文是繁體中文書面語為原版本）

( Cantonese / Tradition Chinese / English )

終極解決 MAC 編輯YAHOO拍賣HTML文字方法！

很多人都會遇上此問題，網絡更流傳把 SAFARI 更改開發人員為 IE 9。

照著做仍然沒效。畫面是有出HTML，工具選項還是隱藏了，根本無法編輯，什至把原文刪走，無法更新。

終極方法是找線上編輯器。http://ckeditor.com/demo#full (見上圖）

直接在這編輯好後，點選指令左角位“原始碼”，再把這堆編碼直接貼入 YAHOO 拍賣裡就可以～！


這是最直接的方法～！不用為MAC因為YAHOO拍賣而裝上WINDOW。

Macross Frontier：可有記起愛 REMIX

MACROSS是70-80年代的著名作品，我理解它是日本第二國寶級產物（第一是高達）。這個FRONTIER巳經播完很久，宣傳是說週年紀念製作（忘了那週年）。有網評指，戰鬥場面似乎像是３Ｄ製作成本問題，很多劇情都用人物帶過，減少戰鬥成份。如果還記得原著，那時想看主角戰鬥的風采，有如甘露的珍貴，要追很久才等有得打一場。是否真的如此也好，這系列一向想釣人胃口，同時裝作自己是以人物感性為主，機械並非主菜，看到相關商品自然會知道答案。此作品普遍都評論為誠意夠，我自己也認為很好看。

這裡不是要介紹本作品有多好。而是因為舊作的名曲：可有記起愛，相信很多人都聽到很厭。而本新作某一集的片尾曲竟然REMIX重唱，又出現另一番滋味。

請欣賞新版本的：可有記起愛

足見，這首歌經得起時間考驗，舊版本會聽厭，只是我們對其旋律有大腦慣性麻木之故，樂曲本身仍然有副感情。