( Cantonese / Tradition Chinese / English )
戰爭機器 2
新瓶舊酒
將電鋸死班粉腸係最HIGH了！
呢次又是XBOX360的獨家作品。上集講左，巳經成功搗破左敵人的巢穴。今次就話地面仲有好多敵人要消滅。
玩法同上集一樣，畫面仍然漂亮細緻，但就唔知點解，覺得無上一集咁好玩。
當我打爆左之後，想話拍賣放回出去，都一直沒人投標。唉～！
2013年10月10日 星期四
XBOX360 GEARS OF WAR 2
戰爭機器 2
新瓶舊酒
呢次又是XBOX360的獨家作品。上集講左，巳經成功搗破左敵人的巢穴。今次就話地面仲有好多敵人要消滅。
玩法同上集一樣，畫面仍然漂亮細緻，但就唔知點解，覺得無上一集咁好玩。
當我打爆左之後，想話拍賣放回出去，都一直沒人投標。唉～！
Tom Clancy's Ghost Recon Advanced Warfighter 2
( Cantonese / Tradition Chinese / English )
故事很簡單，2014年，美國新特種部隊D隊，進入墨西哥進行反恐任務。
遊戲特色係指令 ＋ 實時FPS，可以使用不同的先進儀器同指揮隊員。
概念上係幾特別，不過畫面粗糙，面對危急的戰況，仲要有耐性咁執行指揮，係遊戲節奏上係有所矛盾，關卡並唔多，很容易就打爆機，雖然只係賣港幣90蚊，但我認為此作品，係唔值得花時間去玩。
( Cantonese / Tradition Chinese / English )
XBOX360 Splinter Cell Conviction
( Cantonese / Tradition Chinese / English )
縱橫諜海：斷罪結局
令人失望的SAM大叔
睇官方圖片好似精細，但XBOX360版的輸出係粗糙
如官方網址講，今次SAM叔巳經退休（或叫SAM伯伯），整個政府組織似乎都要搵SAM滅口，而佢個女的死似乎另有原因。在沒有組織支持，失去科技裝備下，真係好似赤裸裸咁跟軍人對抗。似乎會好具挑戰性喎，官方仲話，你要係日間在人群中搵出路，或什至乎一草一木都可以幫你解決難題。
坦白講，我覺得正因為咁，SAM變得好廢，作為玩者都好無奈，並不能夠從中得到樂趣。在我個人體驗上，一小節的關卡，都要死好多次來試驗唔同的方法，先至搵倒過關的方法，呢點係搞到人好煩。
最後，隻GAME只係賣港幣90蚊的水平。有玩過上集的人，都會買來玩。如果係新手的話，我建議唔好浪費錢了，事實上係三個字「唔好玩」，而且長度非常之短。我希望下一集，遊戲可以有返以前的優點，唔好老是想玩突破，玩到過左頭，主角都沒有必要一定係SAM。
PS3 - BIOHAZARD 6
( Cantonese / Tradition Chinese / English )
變曬質的生化危機
今次故事背境好壯大，關係到美國、中國同東歐，政府宣告病毒巳經大規模擴散，城巿出現恐慌及調派曬軍隊駐守。而封面果幾個型男美女，就被調派去唔同地方阻止危機。
對香港人較感興趣的，係入面用左香港作為場景，不過遊戲入面話呢度係一個叫大志的中國城巿。
初時玩，角式身手靈活，但原來開發者為左表達一種逃生的感覺，果D喪屍係唔停打，就係咁無限生出來，所以只有逃走，唔係呢，你真係會沒子彈係度等死。佢仲模仿左UNCHARTED系列，經常製做災難性場面，強制逃亡時，突發性要求按岩的指令，唔係又要再來，呢點真係好鬼煩，因為呢D場面太頻密，死左再來時就要翻睇劇情（我估因為要讀碟）。而打大佬時，又係萬無目的，唔知射邊度先岩，就係射極都唔見有咩反應同指示，可能你射左佢半粒鐘，都唔知點解個大佬仲未死，係咁係度亂跑亂叫，煩死人！搞到我好無奈咁去將聲量收細。原來係有D野你要做左先至會有進展，但佢又唔比提示你喎。因為以上所講的改動，搞到隻GAME嚴重變質，玩果陣好似折磿人咁，變左唔好玩。
為左將D煩人的關卡變得有趣味，唯有將個感觀改變，將劇情當成鬧劇，例如可以在雙打果陣，恥笑下對方手失手死掉。
至於我上述所講的，係咪我的偏見，可以係呢隻GAME的價格上反映倒，遊戲推出唔夠半年，就由港幣三百多元，跌到 90-120元，同推出左3年多的第五集幾乎同價。我認為隻GAME過度模仿UNCHARTED系列，有一關選ADA在船上進行任務，個場景係同UNCHARTED 3的構思勁似！不過，都賣120元，玩下無妨啦。
要搵其他網上評論此遊戲的文章，一D都唔難，通常都係小到幾乎媽媽聲咁，但我要係呢度來個突破，搵左呢隻遊戲最好的優點！我認為，呢集係最鹹濕的生化危機！
呢隻GAME，所有女角色都唔會放過任何機會，向你展露誘人身材，以上的圖片只係冰山一角咋。
( Cantonese / Tradition Chinese / English )
2013年10月9日 星期三
XBOX360 BIOHAZARD 5
( Cantonese / Tradition Chinese / English )
笨拙的傭兵
而系統沿用第四代的方式，內容比起以前加入左大量射擊場面，仲成日都要以一敵眾，好多時角式顯得有D笨拙。
最黑人憎的敵人，就呢個電鋸怪，一聽倒有聲就係咁追著你來斬。
成個遊戲都係直線進行，解詸成份相當少，唔駛睇攻略，都可以順利打爆機。
相比之前，畫面明顯強化左。今日又係90蚊的水平，遊戲長度又適中，雖然角式有D遲鈍，但整體來講，我認為係相當超值的。
2013年10月8日 星期二
XBOX360 BioShock
( Cantonese / Tradition Chinese / English )
中譯 ：生化危機
人類醜惡的寫照
呢個係我2011年最後打爆既遊戲。隻GAME個故仔相當特別，人類竟然生活係水底裡，呢個係由一個天才科學家創立的水底城，因為研發左新型排水抽壓技術，只要先在水底建好了城巿，一按下啓動就可以一次過將水排走，而能夠進入水底城居住的人，都要係具有一定智慧而獲挑選，以此打造成一個新的文明社會。但係人類始終是人類，人還是因為爭奪資源而一再犯錯。
之後，在水底發現有種怪魚，可以提煉出紅肉（叫ADAM），它可以把人類摧向更完美，仲可以令到凡人有得使用超能力，但後來用太多，人類開始對佢出現左一種成癮的依賴，持續下去就出現神智混亂，臉部都出現毀容，所以有D人會帶上面具，自已呃自已仲係好完美。
好多女童都被洗腦，到處拎著呢支吸管，抽取ADAM。
只要有ADAM女孩受害，就會本能出來保護的BIG DADDY
由於ADAM一定要係女童腹中才可培植，官方為左保護資源，所以就搵自願者，對佢地洗腦成為一個叫BIG DADDY的暴徒，只要有人接近女童就會將佢地其五馬分屍！
主角本是探員，但巧合誤降落到水底城入口，就開始進行調查，講到呢度才是呢個故事的開始。。。
+Shotgun.jpg)
此遊戲特色之一，係可以使用槍械和配合超能力攻擊。初初玩果陣，覺得畫面簡陃，操控有D笨拙，但只要習慣下，就會被種種疑團，及引人入勝的水底建築，吸引玩家一直探討落去。
而為左取得力量加成，殺害DADDY係無得避免，要點樣巧妙將佢處死，配合環境係可以有好多方法解決。打死DADDY後，可以選擇對女童進行解放或殺害，咁係會導向唔同的結局。為左有得睇完美結局，將所有女孩都選擇放生就最好了，咁只係會拎倒較少升級力量啫（ADAM）。
總結：
故事的世界觀，好值得人類反思。水底世界以80年代的美國文化混合，好引人入勝，亦都因為咁，本作成為左名作系列。價值大概90元上下，但今日應該好難搵返第一集。
而為左取得力量加成，殺害DADDY係無得避免，要點樣巧妙將佢處死，配合環境係可以有好多方法解決。打死DADDY後，可以選擇對女童進行解放或殺害，咁係會導向唔同的結局。為左有得睇完美結局，將所有女孩都選擇放生就最好了，咁只係會拎倒較少升級力量啫（ADAM）。
總結：
故事的世界觀，好值得人類反思。水底世界以80年代的美國文化混合，好引人入勝，亦都因為咁，本作成為左名作系列。價值大概90元上下，但今日應該好難搵返第一集。
( Cantonese / Tradition Chinese / English )
PS3 Castlevania Lords of Shadow
( Cantonese / Tradition Chinese / English )
惡魔城：闇影主宰
變左質既惡魔城
呢個系列係每代主機都有出現，呢次係目前最強主機的版本。係立體空間裡，使用連續技殺敵，關卡係直線進行，玩法近乎 DEVIL MAY CRY＋Uncharted 系列，好明顯巳經離開曬以前果種風格。故事部份會係本文章的後部份作簡述。
走、跳及爬沿崖的玩法是同 Uncharted 一樣
而另一相似 Uncharted 之處，就係解詸成份，如上圖要把光線射到指定位置先開倒門。
使用華麗招式的概念跟 DEVIL MAY CRY 相同
就以上所見，跟以前玩過的惡魔城係好唔同。
有2關BOSS都係打巨人，雖然好壯觀，但要按指示攻擊弱點，失手又要再爬上去，係好煩的。
由上圖，其特色，係會以擴闊鏡頭表達壯觀的場景，製作非常用心。
因為呢隻GAME都帶有解詸成份和隱藏寶物，唔睇攻略可能會糾結某一處，或寶物不足引致角式能力偏弱，導致打BOSS戰唔夠抽，所以最好都睇攻略，如以下連結：
有左呢個網路，就唔駛傷腦筋了！（ D 英文唔會好難既 ）
故事：
世界設定在比第一代惡魔城更早的時間，世界本身存在黑暗力量和光明力量，主角係光明兄弟會的成員，以除魔為目的，但妻子離世（沒有直接講離世原因，最後主角是怪自已因為他才要妻子去世），主角兩手各能使用光明和黑暗力量，邊個力量才是主宰，要睇自已意志了，但邪惡力量就借主角的陰暗思想，希望將佢誘導成魔。結果主角會變成點？呢個就留待玩家探討。結局會睇倒主角因得到力量，存活到繁華的現代，留下第二集的伏線。
總結：
如先前所講，唔可以將佢同以前的惡魔城看待，呢隻係一款全新的動作遊戲。初時玩較沉悶，招式不流暢，但只要比D耐性玩落去，儲夠點數買招式，角式就愈變愈強，果份趣味就會慢慢出現，到變成沉迷。2013年的今日，呢隻GAME的日版巳經插水跌價至港幣69蚊，而英文版就港幣159蚊。我就情願付出多一點，買入睇得明同聽得明的英語版本了。
訂閱：
文章 (Atom)