GAMES MASK 『劍麥』社會文化

2013年10月11日星期五

XBOX360 GODFATHER II

( Cantonese / Tradition Chinese / English )

教父 II

槍王之王

教父本來係美國70-80年代，以黑社會為題材的暴力電影，只要在電影入面講下某一個角式，再加新角式，來個小插曲，咁又係一個全新的外傳題材，做成左無限大的創作空間，至於場景就只能局限左係舊時代。

正因為背境受局限，城巿結構無左種真實感，成隻GAME的畫面都睇落好似唔多開胃咁。不過，玩落就勁好玩！

為左壯大自已的勢力，就要不停撕殺，去霸佔地盤。而瞄準系統係全自動，睇倒敵人果陣只要按開槍就得了，最重要係玩家的反應要快！槍戰場面亦都係相當刺激同好迫真。不過，玩得多係會玩壞手，因為再玩第二D遊戲，隻手會變左唔識瞄準人，事關習慣左呢隻GAME的自動系統。或我叫佢做槍王系統。

可能因為畫面粗糙又唔太開胃，個GAME價好快下調到90蚊。其實隻GAME係勁好玩，結構簡單同好過癮，係好值得推薦的。唔好比醜陋的畫面影響倒。

我在遊戲中的自拍照。

( Cantonese / Tradition Chinese / English )

PS3 - Infamous

( Cantonese / Tradition Chinese / English )

中譯：惡名昭彰

超能力版的GTA

有一日呢，去左旺角搵下有無便GAMES，一手拿拎起，嘩！88蚊！？，真係無唔買的理由，話曬係PS3獨家作品，一定有返咁上下啦掛。

拎返去一開，好強烈的漫畫風格，講主角意外係一次爆炸中受到感染，成為左會放電的人，政府向城巿宣布瘟疫巳經擴散，並實行隔離行動，無感染的人都要困係城巿入面，主角跟FBI合作，希望搵出病毒的源頭。

GTA4 NIKO VS INFAMOUS

正式遊戲開始，你會發現呢個主角無論身形、臉形同髮形都同GTA 4的NIKO 好似，什至玩法都完全係GTA的介面，分別就係換左會放電的超能人做主角。

至於好唔好玩呢又？普普通通咁啦。

( Cantonese / Tradition Chinese / English )

2013年10月10日星期四

PS3 - CRYSIS 2

( Cantonese / Tradition Chinese / English )

來到第二集，場境由森林返回熱鬧的城巿，但紐約巳經被外星人佔據，主角意外穿上戰衣作出抵抗。

這次畫面大幅度提升，不過玩過好多GAMES，似乎PS3的機能巳經見底，來來去去都係果D效果。講到遊戲部份，射敵人都會有種快感，使用裝甲的隱形功能亦都相當有效，敵人真係會睇你唔倒。

價格係港幣150 - 170，我認為係物有所值。

( Cantonese / Tradition Chinese / English )

XBOX360 CRYSIS

( Cantonese / Tradition Chinese / English )

末日之戰

我是一直比呢隻遊戲的封面吸引著，但因為太多好 GAMES 不斷咁出，都漏左呢隻無買，有一日 XBOX360 推行每週特價，只需要 40 蚊就有得玩！

除左封面夠有型之外，呢件戰衣係具有光學迷彩、強化防禦同加強跳高的功能。用佢來對付普通人類，我諗會係一件幾痛快的事。不過當用得佢入到戰場時，就好易比人包炒，你係變得同一個普通人沒咩分別，咁樣就感覺唔倒呢件高科技戰衣有 D 咩好處了。

遊戲裡主要都係森林戰鬥，因為咁而欠缺左一種現代感。

呢隻係第一集，2013年來講，XBOX360 的畫面係較粗糙，有過時的感覺，我覺得玩唔玩都無咩可惜。如果係要玩，我建議搵第二集來玩，反正故事在兩集之間係無直接關聯的。

( Cantonese / Tradition Chinese / English )

PS3 - METAL GEAR SOLID 4： GUNS OF THE PATRIOTS

( Cantonese / Tradition Chinese / English )

潛龍諜影4：愛國者之槍

畫面超靚
係某一日，我呢個慳錢王，睇倒呢隻GAME只係賣120蚊，真係唔買唔得了。初時就唔太習慣佢個系統，但玩落去其實係好單純的動作遊戲。如果有玩過縱環諜海的人，一定會好快明白固中概念。我理解，呢種間䜓式的玩法，係有種暗中作弄人的樂趣。

雖然隻GAME都出左幾年，但今日睇呢隻GAME的畫面仍然超靚，你係一睇就會知道XBOX360根本無辦法有咁細緻既效果。

而我未玩過第一集，一來到第四集，我以為主角大叔係做特攻做到老，對工作咁誠心，原來佢係個複製人，因技術問題，加快衰老，但身手仍然無變。再查考下有關故事的歴史，都幾複雜下，內容係穿插著真實世界的歴史裡。今集的故事，係度做個好簡單D的描述，係講敵方組織研發了操控士兵的技術。

仲有一樣野叫做「世外方舟」（Outer Haven 見上圖），軍力上係可以與美國匹敵，主角SNAKE是被指派去消滅有關組織。

話就話買左120蚊好似好抵咁，但真係睇漏左眼，巿面原來係出左個全集版，售價＄388（睇上圖），入面係收錄左由一代至今的作品，如果未玩過相關作品，緊係買呢個FULL VERSION 抵D啦。

( Cantonese / Tradition Chinese / English )

PS3 - 北斗無雙

( Cantonese / Tradition Chinese / English )

拳次郎變左鈍次郎

本作品入面，最難用既角式竟然係拳次郎，因為佢的招式好慢。表面睇好似幾好玩，但玩落去真係好沉悶，尤其係故事模式，請最好較EASY求其打爆左佢先。

想感受下千萬馬同時被拳次郎點穴爆血的快感，請玩MISSION MOOD。

相信開發者的目的，係為左加長遊戲的長度，就將所有角式的連招隱藏。咁唯有不停打人，儲點數買技能，先至會慢慢覺得較好玩。坦白講，初時玩要突破呢個悶局，真係好辛苦，尤其係果D背境音樂，來來去去都係同一首，聽都聽到好鬼煩，場境仲要係千遍一律。

遊戲價格係港元199蚊或以下，係唔太值得的，除非你好鐘意北斗之拳啦。相比起星矢無雙，明顯星矢果隻好玩D。