2013年10月12日 星期六

PS3 - 星矢戰記 （星矢無雙）

( Cantonese / Tradition Chinese / English )




天馬流星拳唔再係廢拳！


推出過咁多隻星矢遊戲，我認為呢隻係最接近原著的作品。星矢的天馬流星拳，比原著更具破壞力！

青銅戰士入面，最強係一輝，來一招鳳翼天翔，真係乜都比你打死曬，咩都唔駛做。


最廢的竟然係紫龍，因為攻擊範圍太窄，破壞力仲只係中等，係HARD模式對付魔羯座時會處於苦戰。

另外，12宮戰士當中，招式最強的，係獅子座的光速拳，真係全個畫面都打曬，攻擊力仲好驚人，即使對手係黃金戰士，都要好無奈咁防守到扣血致死。

講到遊戲性，其實玩左陣就會覺得好悶，背境來來去去都係一D破官，而能夠有精神打爆佢的動力，就係對星矢的喜愛有份執著。價格上，港幣 230 - 270蚊之間，係星矢迷的話，真係值得一試！

( Cantonese / Tradition Chinese / English )




張貼者： 於 沒有留言:

2013年10月11日 星期五

PS3 - Kill Zone 3


( Cantonese / Tradition Chinese / English )




殺戮地帶3

出名但又唔係話咁好玩
故事係延續上次的戰亂，總之入面個世界係永遠都有唔同既派別係度鬥，就形成左呢個作品係永遠都有續集。



講到遊戲性，都係平平無奇，大部份時間要使用載具，畫面為左制造混亂，令人覺得又煩又嘈。畫面睇上去好似特別緻細，風格有D似XBOX360的GEARS OF WAR。其實，只係將3D貼圖的貼紙，全部加左好多好複雜的花紋，做成左一種高解像度的錯覺。


至於遊戲價格係港幣150蚊或以下，好玩程度係不過不失，唔好抱太大期望。

( Cantonese / Tradition Chinese / English )





張貼者： 於 沒有留言:

PS3 - Uncharted 3 Drake's Deception





秘境探險3：德瑞克的騙局
有PS3一定要玩！


基本解說，係度唔再講了。
（第一集介紹）
（第二集介紹）

來到第三集仍然係PS3機主的必玩之作，我認為畫面比上集有更驚人的表現，同成為左好多遊戲的模仿對像。又可以打爆機再玩，破解成就，都唔覺得悶。上線模式，我就認為無咩特別。

劇情上，我最愛睇倒既係，呢個迷人的女記者，會返來加重戲份，她同主角DRAKE會有復合的機會嗎？

遊戲價格約港幣150-180蚊，我認為是值得的！








張貼者： 於 沒有留言:

PS3 FEAR 3





戰慄突擊3



畫質超靚！

故事
軍方研發新的士兵技術，點知有條女暴走失空，經常穿插係異空間中，由第一集存活至今。而主角POINTMAN係個健全的超能人，具有把時間變慢的能力。軍方發現有研究設拖被奪去，POINTMAN就接受委派調查。



呢隻遊戲個玩法同普通的FPS GAME無咩分別，但勝在畫面超靚！驚嚇指數爆曬燈！不過，只要打爆一次機之後，就無咩可取之處，而上線模式係好鬼無聊。

單人模式，有D關卡一定要駕使機械人，只要諗到果種漫長和笨重的感覺，就好抗拒，雖然畫面同操控都係一流，但敵人的智能反應係好難對付，好多時都會係同一個地方死好多次，至知道點樣過，所以隻GAME打爆左一次之後，都唔想再玩，更加無意欲去解成就。

價格上，只係賣港元90-120，仍然係物有所值。





張貼者： 於 沒有留言:

PS3 - DEAD SPACE 2




絕命異次元2


必玩佳作！
如果睇官方講個故仔UP乜，係睇落好複雜，就係度做個簡述：

故事講人類係太空發現左舊怪石，佢會使人精神錯亂，什至變成怪獸。主角係上集意外降落，巳經將呢舊怪石破壞左，但來到第二集主角被困係精神病院，貪心既政府竟然想借主角﹣ISSAC的記億，重新製果舊怪石出來，似乎因為怪石唔受控制，又做成混亂。因為咁，主角的精神不時都被滋擾，會睇到離世女友的幻像。

相信好多人都會好懷念生化危機果種赫死人，同探索的滋味，但生化危機5同6巳經變左質。想重拾返以前的果種感覺，DEAD SPACE 2 絕對滿足倒你，什至我夠膽形容佢係比生化危機仲好玩。

另一個優點，本作品的武器種類夠多，樣樣都有唔同的射擊樂趣，完全取決於玩家的喜好。價格只係港元90-130。


( Cantonese / Tradition Chinese / English )






張貼者： 於 沒有留言:

XBOX360 - FABLE II




神鬼寓言 II

史上最垃圾的RPG




我睇倒有人話呢隻GAME畫面好正，又話佢好好玩。摸心自問，我睇到既係完全另一回事。此遊戲特色之一，就係自由度大，善惡兩路由自已揀，仲可以結婚生仔，什至做埋地產買賣。但正因為太無重心，遊戲感覺好散亂。



無論我點樣花心思，永遠只係製造左個死肥佬出來！

至令我不滿的係，角式做形超肉酸，戰鬥時，仲要對比上一集並無有改善過流暢度。

總結：
第一集來講，咁既玩法係好創新，到第二集，只係將佢複雜度強化，而場景只係用左D好簡單的模組切出來，有D似N64的感覺，就算賣港幣90元都好啦，實在唔值得花時間玩佢。我形容係一款「失敗之作」。



張貼者： 於 沒有留言:

PS3 - BIOSHOCK 2






個故事背係點，上次係第一集巳經講過，今次就唔再講，建議睇返上一集介紹啦，始終有少少關聯的。 (BIOSHOCK 1 介紹）





故事係緊接上一集的10年後，水底城雖然都荒廢左，但仲有好多瘋佬係度。（見左圖）
今次玩家係扮演BIG DADDY，要打精神病人的同時，仲要打埋其他BIG DADDY。

（圖片入面果支槍，好有岡陽味！）

你可以操控的BIG DADDY，可以形容係個有缺陷的作品，因為佢可以保持倒原有的意識。有一日，佢比自已個女用意識叫醒左，於是就上路救自已個女。相信佢個女實係有D麻煩了。劇情係有D出乎意料，係度唔透露了。

講到玩法，同上集幾乎一樣，但自己就無因為係 BIG DADDY而有優勢，面對敵方的DADDY，自已的性命仍然面對巨大威脅。不過武器種類比上集多，畫面細緻度又有所提升，所以都定義倒，佢係比第一集更出色。除左可以完成故事模式，本作品的上線模式，是極易上手同勁好玩！絕對可以將呢隻GAME的享用時間加長一倍，售價只係港幣90蚊，係相當超值。
關於各關密碼資料如下：
Adonis Luxury Resort
Door near the rubble which has the code written backwards on the glass - 1540

Atlantic Express Depot
None

Ryan Amusements
None

Pauper's Drop
The Clinic - 0047

Siren Alley
Maintenance Area - 1919

Dionysus Park
Door to Power of the People Machine - 1080

Fontaine Futuristics
Plasmid Theater - 5254

Persephone
None

Inner Persephone
Watch Tower - 2673

Recreational Therapy - 4146






張貼者： 於 沒有留言:
訂閱： 文章 (Atom)