GAMES MASK 『劍麥』社會文化: 8月 2013

2013年8月25日星期日

PS3 Bad Company Battlefield

( Cantonese / Tradition Chinese / English )

來成為爆石專家吧！

表面睇，好似返左去二次大戰的感覺。其實呢個係一場美國對俄羅斯的現代戰爭。角式的裝備都沒咩特別。EA品牌今次又再做左個著名系列射擊作。

比較特別的，就係內裡好多場景都可以爆爛佢，仲會聽倒細緻的礫石聲。好HIGH架～！

而另一特別的係，本遊戲的上線模式都很易上手。最有趣的就係一人可以面對面單挑坦克，方法就係不停繞著坦克的死位射火箭。在此，對於呢隻GAME大至都沒咩觀點可以再講了。

呢隻GAME，諗起又係好快跌價，大概港元90至120左右，亦都因為呢隻GAME開始，我就放棄XBOX360，事關 SONY 的 PS3 根本唔駛買金會員，我們玩遊戲當然要做個精明消費者。XBOX360 的金會員一年要三百八十幾蚊（唔記得實價啦）。坦白講，唔做野何來有錢買遊戲，要工作又何來有咁多時間上網打機？要讀書又何來有閒錢和時間？膠都有好多種，唔一定係硬架麻。係咪先？

( Cantonese / Tradition Chinese / English )

2013年8月24日星期六

PS3 DEAD RISING 2

( Cantonese / Tradition Chinese / English )

打喪屍就係如此痛快！

呢隻GAME就係睇見有乜野，都可以執起來打喪屍！但同時要趕時間救人，同上集一樣，都要第一次玩時升下等級，等事件隨時間進入BAD ENDING，再遁環玩一次，才是痛快打喪屍的時候。

故事都好簡單，就係喪屍圍城，主角就係想救出女兒。場景明顯比上集細緻，玩法都係近乎一樣。呢種模式真係唔怕新瓶舊酒，就係呢種舊酒都似乎飲唔厭。

唔知點解，遊戲出左無耐，好快跌價到90蚊。係度話你知，呢隻GAME其實係非常好玩，打法都好自由，從中係可以發掘出自已獨有的樂趣架。

而及後又推出新版本（見上圖），可以用返第一集的主角，但巳被證實內容係一樣，只要隨便買一隻就可以了。

最後，要介紹下遊戲裡的場景音樂，確實非常好聽，感覺就好似香港又一城的風格。係度留條LINK比大家聽下啦：Dead Rising 2 Soundtrack - VIP Lounge

( Cantonese / Tradition Chinese / English )

2013年8月23日星期五

PS3 - HEAVY RAIN

( Cantonese / Tradition Chinese / English )

使上最好玩的AVG遊戲
AVG 出名係無聊，通常都係要睇日文，不停按對白，按到你進入深度睡眠。而家時代唔同啦，呢次有得睇英文，入面關係到一綜孩童失踪案，投入感大增。因為入面的角式都面對著沉重的壓力，就像傾盤大雨一樣。OH MY GOD～！！！！ WHY！？ WHY！？

（主角原本有快樂的家庭）

（孩子失踪後，情緒底落也怪自已失責）

呢隻GAME運用左PS3的超水準機能，畫面份外細緻。跟據唔同的人物，再對應PS MOVE執行不同的動作，竟然把AVG變得好玩來。一路玩落去，一路好想知道兇手係邊個，這是最釣胃口的原素之一，而玩家的決定都會影響劇情。

(畫面真細緻）

唔玩AVG的遊戲的人，我相信佢地會對呢隻遊戲有所改變，入面每個劇情都能讓玩家參與，唔會覺得自已只係在旁睇故事咁無聊。

呢款驚慄遊戲係PS3獨有，網上的人會拎HEAVY RAIN 同 XBOX 360的獨家作品ALAN WAKE 來做比較。只能同大家講，兩隻都係驚慄遊戲，但一款係AVG劇情遊戲，另一款係動作遊戲（像生化危機）。實在根本無得比較。拎呢個TOPIC去交大學論文係保證離題會FAIL。論畫面，明顯係PS3優勝。

總括而言，此乃難得的AVG佳作，就目前只此一隻。