( Cantonese / Tradition Chinese / English )
完成學業，來過破紀錄大解放！
| 2013年度，爆機名單如下： | ||||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||||
| 2012 年度爆機報 : 6 | ||||||||||||||||||||||||||||||||||||||||||||||||||||||||||||||||||||||||||||||||||
2011 年度爆機報 : 17
2013年12月26日 星期四
2013 年爆機統計報告
2013年12月24日 星期二
PS3 CRYSIS 3
( Cantonese / Tradition Chinese / English )
末日之戰 3
不過不失之作
關於本遊戲之前果2集已經有介紹過
CRYSIS 1
CRYSIS 2
初時，第一集同第二集係無咩關聯，來到第三集就將成個故仔整合左，同解釋左生化裝甲係點來。係第二集已明明將敵人擊退左，但事隔24年後，CELL企業掌握左先進技術，對紐約進行管治，唯一的裝甲持有者被冰封，由反抗軍把其救出，但事後發現背後主腦唔係CELL企業，而係仍然有外星人係背後搞搞震。
畫面係PS3上無咩突破，如果設定裡啓動左透鏡反射效果，咁係會影響左遊戲的流暢度過，同畫面清晰度，所以請務必去 OPTION 選項將呢個效果熄左佢。
玩法上，因為多左支專用弓箭，就變左較著重潛行暗殺的玩法，成為左本遊戲的一大特色。
總結：
此遊戲，岩岩推出時，做左好多大宣傳，又話佢唔知得倒咩獎項，確實令人期待，新上巿時係賣3百幾蚊。
玩過後，覺得無咩驚喜，畫面靜止時係好靚，但移動時就唔係咁流暢。
由於遊戲長度短，重玩都仍然有新鮮感，調到最難模式，又唔覺得真係好難打。咁隻GAME又跌曬價，只係賣110蚊，同考慮各方面因素，咁係幾抵玩既～
( Cantonese / Tradition Chinese / English )
2013年12月10日 星期二
PS2/PS3 - Metal Gear Solid 2 HD
（移植到PS3上，畫面更靚）
今次的故仔係第一集發生2年之後，METAL GEAR 的開發技術係黑巿流傳，主角 SNAKE 成為自由組織，抱著使命去消滅 METAL GEAR，隨後再引發好多謎團出來，關聯到新的主角 - 雷電。
新角式－雷電 RADIEN
遊戲內容對下一步的任務都有較具體指示，唔睇攻略，問題唔大，操控上比上一集好好多。如果有玩過第一集，都會較熟悉操作功能，沒有就只好學習一下，或搵攻略了。
有一點唔太好的，就係遊戲過程真係口水多過荼。。。我認為有 D 對白係無必要的，但呢個係日式遊戲的死症。隻GAME其實推出左10年，今天來睇，畫面仍然係靚，唔覺得有眼睛受罪。
打爆機後，會有一組編碼出現：
TANKER-PLANT
CODE NAME
ELEPHANT
( Cantonese / Tradition Chinese / English )
IOS Trigger Chrono
( Cantonese / Tradition Chinese / English )
超時空之鑰
唔可以錯過既 RPG 大作！
係超任時代，佢已經好出名，我 GAMES MASK 都有玩過，但果陣時因為唔識日文，於是都唔明佢既指令同劇情係點，D 怪獸又好似好難打，所以就放棄無打爆佢。雖然，果時係有英文版，但年少的我，英文程度唔好，咁就留下左一個遺憾。
今日，IOS 已經有中文版推出，指令同故事，都可以係掌握之中，就發現個故仔係老土得來，存在著一種永恒的浪漫。
玩法係實時指令斬擊，唔駛踩地雷，而且場次適中唔會煩。故事內容穿插唔同的時代，影響著唔同的結果，今日來講，咁既玩法仍然係一個突破。
IOS 版本，就唔係最完全的版本，原本 PSone 版收錄的過場動畫，就無收錄係入面，但可以打爆左隻 GAME 之後，再去 YOUTUBE 睇返。始終呢類遊戲係手機上玩較方便。
總結：
鐘意日本 RPG 遊戲，但又錯過左此作品的，係度真係誠意推介。遊戲的故事講穿越時空，而固中的可玩性同創意，係今日來講仍然係一流作品。
( Cantonese / Tradition Chinese / English )
2013年11月27日 星期三
IOS Sprinkle
最近完成左呢隻遊戲，確實非常好玩！
隻GAME係PUZZLE，要按照特定物理條件，才可以將水射去適當位置滅火。
下圖（我的成績），IOS 免費版都巳經有 72 關，唔駛錢有咁多關玩，抵到爆！
GOOGLE PLAY ANDROID 都有得玩，但要比錢。
https://play.google.com/store/apps/details?id=com.mediocre.sprinkle
PS3 Medal of Honor Warfighter [Limited Edition]
賣得咁便係有原因
今次貪便，見90蚊咁抵就買左 (30.11.2013)，見係 EA ＋榮譽勳章，唔會買錯掛！？
故事係講一支特殊部隊，執行某一個任務所發生的事，無咩特別。呢 D 遊戲一向都係故事唔係重點。
好不幸地，呢隻遊戲的畫面係非常粗糙。敵人的反應都係固定，好快就可以玩曬13關打爆機。呢隻絕對是低成本制作。廢話唔多講，我形容係玩唔玩都罷啦。而我更發現某商場賣緊50蚊，我睇倒真係嘔曬血，等我成功轉售遊戲出去，我再透露啦。
======= 9.12.2013 =======
唔知點解，放上網拍賣，又比人BID到 90 蚊。。。。。。其實，隻 GAME 係觀塘地鐵站，買全新只係需要50蚊。
( Cantonese / Tradition Chinese / English )
2013年11月24日 星期日
PS3 RIDGE RACER 7
( Cantonese / Tradition Chinese / English )
經典皇座不保
呢隻GAME都出左幾年，我都玩左幾年。原因唔係佢太好玩，係太悶我又唔忍心唔玩佢。
我將佢既劣處寫低：
1) 唔對應震動手制
2) 速度太誇張，太偏離真實感
3) 同第6代比，大概只係多左4條賽道
4) 最後的賽事同第6代一樣，都係拎左魔鬼同天使車鬥餐死
5) 關數比第6代多，其實只係加左好多無聊同重複的賽事
大致上，咁應該唔可叫做 RR 7，叫佢做 RR 6 加強版就差唔多。換句話，玩過第6集都無必要曬時間玩第7集，畫面係精緻一 D，但對玩樂的影響唔大。
為左滿足自己對RR系列的執著，我就過去幾年間，間中拎來玩幾場咁（另一原因，係去左玩GT 5)，到今日終於打爆機。不過，原來打爆左，又會多左 D 超難賽事，最後有4場我放棄左，即使拎左天使車，都係超難拎第一名，情況跟同6代相同，我就唔想好似個自閉仔咁，係咁係度磿條賽道，係度輸完又輸咁，好得閒咩！固中要做到零犯錯的難度，真係太大壓力了！我打機係求開心啫。
輕易取得天使車同魔鬼車的攻略：
如以上所講，完成左主線賽事就會出現超難的EXTREME賽，再完成多廿場左右，就會出現天使車同魔鬼車的賽事。對於 MONSTER 怪獸車果場，可能都會好難取勝，咁可以先拎左天使車再返來決勝負。
魔鬼車攻略：
呢架車會係第三圈終點前停低吋你，你就跑到第二圈掉頭輕輕力咁掂佢個車頭，只要係佢既正方（或側一 D 都無所謂），一下一下咁踩下油門，慢慢咁去推佢，留意地面的白間線，就會留意倒佢架車係有向後移，大概推到距離終點有3架車位遠，畫面會指示出你要限時內衝線，咁你就可以起程，係終點前果條隧道就快出來之前，按 X 3 的 NITROUS。就會輕易取勝！
（架車咁樣衰，你揸埋我果份啦！）
天使車攻略：
選車身最長的火箭車出賽，走到觀眾席上斜坡時，留意右邊有個小廣場可以駛入去，再駛番出來，車頭向著逆線打斜咁停係路中心，做成一個障礙將佢引入廣場。呢個時候，要停係度按實殺車制，等佢撞到你的車身就會引左佢入廣場，佢會困死自己唔識出來，咁就可以輕易取勝！
雖然呢2架最勁的車都輕易得手了，但之後有4場賽事仍然係超難，既然無第二個 ENDING 畫面，我都唔花心機玩落去了。
總結：
此遊戲的賽道係好用心去設計，但玩法巳經誇張到失去以前果種真實感，相信本作巳經唔能夠再加入 D 咩新意，無法再將呢個賽車寶座延續落去。我就好懷念 RR 4-5 果時的感覺。今日，呢隻遊戲只係賣120蚊（25.11.2013)。
2013年11月17日 星期日
PS3 Dragon's Crown
( Cantonese / Tradition Chinese / English )
中譯：魔龍寶冠
暗黑破壞神既2D版
真係好耐都無見過有 2D 動作GAME推出，呢次重登上遊戲舞台，真係好感動！故事係好傳統的勇者與惡龍。遊戲售價更見過係489蚊，比好多遊戲都仲要貴。我估計原因係手繪 2D 格數係非常吃力，仲有就係物以罕為貴，佢都可以話係本年度唯一一隻 2D 遊戲（果D ONLINE 版 MINI GAME 唔計啦）。到目前，佢仲係PS3的獨家作品。
.jpg)
整個遊戲共有9關，當過曬9關後，先至可以上線同人玩，呢個時候就會再係每關入面，再細分2條路線，應該話整個遊戲共有18 ＋ 1 關。＋1 係指打曬18關之後，先至可以去古跡打巨龍。如果熟悉流程，每個人物只係用 2.5-3 個鐘就可以打爆機。
為左加長遊戲耐玩性，遊戲有3次重複週期再＋99 層迷宮，而寶物出現的原理係同暗黑破壞神一樣，D 裝備係隨機同分評級的，如果執倒評級 A 的裝備，就會比評級 B 的好。基本上，可以話係暗黑破壞神一樣的概念。筆者自己玩到二週目就開始覺得好累，D 場景音樂亦令我昏昏慾睡，辛苦咁捱完3週目，開左D獎杯，到左85等級，巳經決定放棄唔想玩了。
隻GAME要細玩的地方都好多，係呢度實在不能盡錄，而我就搵倒一個好用心的攻略網站－娛樂計程車（你都唔駛去巴哈姆討論區爬文了！）
而遊戲內的任務，有時係會唔明白用意，呢個時候就將任務名稱打入 YOUTUBE 度搵下就有了！
上圖6點鐘位置順時鐘數起係，妖精、亞瑪信女戰士、盔甲男戰士、女魔法師、男巫師、矮人
呢個女魔法師用法大致跟男巫師相同，而且好受歡迎，當中原因唔駛多講。
總結：
可能期望過高，隻GAME確實無想像中咁好玩，整體感覺沉悶，就算上線同人打，都一樣覺得無聊，打到畫面一團混亂又敵我難分，只係睇到堆數字係度飄。而2D遊戲可以設計到有咁既長度，都係值得稱讚的，我希望久違了的雙截龍、FINAL FIGHT、格鬥三人組，都可以用呢種等級制 ＋ 分叉路，讓其他2D遊戲都再能夠重返舞台。最後，我認為呢隻GAME超過300蚊都係唔太值。
可能期望過高，隻GAME確實無想像中咁好玩，整體感覺沉悶，就算上線同人打，都一樣覺得無聊，打到畫面一團混亂又敵我難分，只係睇到堆數字係度飄。而2D遊戲可以設計到有咁既長度，都係值得稱讚的，我希望久違了的雙截龍、FINAL FIGHT、格鬥三人組，都可以用呢種等級制 ＋ 分叉路，讓其他2D遊戲都再能夠重返舞台。最後，我認為呢隻GAME超過300蚊都係唔太值。
檔案可以在PS3和PSV之間互換
訂閱：
文章 (Atom)