「精華」周星馳：他來自江湖

有晚電視突然節錄精華，周星馳講左邊句：

「  賓歹凡尼亞洲既霹靂大肉腸 」
我突然笑到噴口水！

看文字唸出來沒什麼好笑，就是出自星爺張口才好笑。今日是2013了，這套劇都有十年以上，經典就是經典。

要找回這條片，相當困難，有幸找到下列連結，收錄了精華，但我用MAC機只能聽到聲音。如有讀者看到連結內容的方法，請好心留言告知，先感謝！

http://www.reocities.com/happyberryland01/mov1/mov1.htm

PS3 - DEAD ISLAND

( Cantonese / Tradition Chinese / English )

死亡之島

去杜拜打喪屍

故事係講及一個渡假島，有不明病毒擴散，遊客都變曬喪屍。生還者，就唯有去搵出逃走的方法。

死亡之島係一個虛構的島，入面的氣氛係跟杜拜勁似，一個咁拎人心曠神怡的地方，又有泳衣配大波女，但佢地通通都變曬做活屍，追著你哇哇哇咁叫，形成左好強烈的對比。

遊戲全以第一身視點進行，槍械對無知覺的喪屍，效果無咁理想，主要都係用刀，將佢地的手腳或頭，一刀刀咁切佢落來，跟著就會聽到果D爽快的噴血聲。初時玩，會覺得有D難，隨著角式升等級，又增加下D技能，再改裝下D武器，例如將一把刀改成一把火刀，就將佢地斬到著曬火都得，果種快感，係會令你忘記生活的煩擾。

（刀可以改裝成電刀）

另一方面，遊戲係以任務形式進行，版圖除了有廣大的杜拜沙灘同酒店，遊戲後期仲會去到類似瓦奴亞圖的森林。因此，遊戲所花的時間，同癮性都係相對高，同時又會令你忽略左身邊的人，有可能係一個促使夫妻反目的遊戲。旺角好景商場賣169蚊。

( Cantonese / Tradition Chinese / English )

PS3 - Call of Duty: Modern War 3

( Cantonese / Tradition Chinese / English )

決勝時刻：現代戰爭3

射射射～
之前我話 Call of Duty 唔好玩，來到呢隻現代戰爭的第三集，我要改觀了。此作品，同 Battlefield Bad Company 2 比較不相上下。大家都一樣在畫面上做得好細緻，音效同樣咁出色。

操作簡單，容易上手，想輕鬆玩隻FPS遊戲，確實是不二之選。故事在遊戲裡會直述，唔係咁複雜，所以唔係度講了。

售價只係港幣98蚊，遊戲長度適中，實在難以找到抗拒的理由！

( Cantonese / Tradition Chinese / English )

XBOX360 ALAN WAKE

( Cantonese / Tradition Chinese / English )

心靈殺手

有 XBOX360 一定要玩！
隻GAME係XBOX獨家，沒得係PS3上推出係好可惜，可惜的唔係PS3機主無得玩，而係浪費左隻GAME，因為而家程式員對PS3的能力，相信可以為呢隻GAME製造出更高的影像效果。

（上網睇好似好靚，但XBOX360的遊戲，你拎返屋企開來睇就知係另一回事）

個故事，係唔停咁留底伏線，主角都唔知點解，自已寫的小說同現實有種關係，連警察都幫唔倒手，講又無人信。為左搵出真相同戰勝恐懼，只有自已去查，呢種魔力係會吸引著人一直咁沉迷玩落去。不過，係度話你知，結局係好免強，有種空憂心一場的感覺，結局的細節就留返比玩家發掘啦。

遊戲以驚嚇氣氛做賣點，呢點一定交足功課，等你驚番夠本，隻GAME並唔係解謎或RPG果D，其實係一款直線進行的動作遊戲，我形容係類似生化危機咁既玩法。

呢隻遊戲的價格好穩，全新的都維持係港幣170蚊，雖然包裝上係寫英文，但只要你部XBOX係設定左做中文介面，遊戲就會自已調成中文。如本篇主題所講，有XBOX360，一定要買番隻來玩啦。

( Cantonese / Tradition Chinese / English )

XBOX360 Halo Reach

( Cantonese / Tradition Chinese / English )

最後一戰：瑞曲之戰

HALO 的前傳
故事好簡單，就是HALO 1代之前的事，都係講老早之前，巳經存著唔同種族的鬥爭。總之只有種族間有千萬個唔岩傾的理由，就會係咁開戰，搞到個題材唔會有結局。

畫面雖然比起以前有所強化，但只要見識過PS3的威力，就會覺得自已係度享用緊次等遊戲。

玩法上無咩特別，仍然維持原有特色，隨地執倒乜都可以亂咁打。

其實，我係唔明白呢部作品，究竟邊度值得評定為受歡迎之選，仲要係 XBOX 獨家，我覺得這款遊戲非常普通，更加唔係一款因為佢而值得買XBOX360 的理由。仲有，我覺得的槍械好低能，欠缺說服力。係咪人人都話好玩，做成左一種國皇新衣的效應？

價格上，當年買限定版，只係洗左130蚊。

( Cantonese / Tradition Chinese / English )

PS2 - Battlefield Bad Company 2

( Cantonese / Tradition Chinese / English )

戰地風雲：惡名昭彰2

比上集更出色

故事大概係指你的隊伍，接得指示，去消滅一個終極武器。當中細節，留待玩家探討。

舞台比較接近現代，唔似上一代咁，有D好似返左去二次大戰咁，今次畫面同聲效方面，有大幅度提升。我只可形容一切都變得更「細緻」，而你亦都可以感受倒。

單機模式就十分出色。至於上網打，就都係千遍一律，組下隊玩人打人咁，而且地形大又難學習，一連線就遇上班高手，好易一出來死左都唔知咩事。

我係最後一關經歴左件怪事，有個敵兵死左同D貨物卡著左，仲好似隻雞咁係度郁。（見上圖）

價格上，港幣130蚊或以下，我認為係值得推薦的！

( Cantonese / Tradition Chinese / English )

PS3 - Assassin's Creed II

( Cantonese / Tradition Chinese / English )

刺客教條 2

同上集一樣咁好玩
上集講到，製藥公司成功係主角取得刺客的記億，來到第二集就想將主角滅口，但就比其中一個女雇員協助逃亡，出返來後又再次被迫做基因記憶抽取實驗，希望借追蹤第二位刺客拎倒第二D歴史資料，順便利用呢個方法學習刺客的技術，對抗現代聖騎士團。

當主角再穿插歴史裡的故事時，似乎同上一集都無咩關聯。場景範圍就比以前更廣大。

最有趣的就係，我地可以借此機會跟偉大的達文西先生會面。講聲「文西」你好！


至於遊戲方式，比起上集無太大分別，但PS3版，畫面上係有遲緩唔流暢的狀況（XBOX360 就唔知會唔會又係咁）。價格係港元169，我認為物有所值。

( Cantonese / Tradition Chinese / English )

PS3 - 星矢戰記 （星矢無雙）

( Cantonese / Tradition Chinese / English )

天馬流星拳唔再係廢拳！

推出過咁多隻星矢遊戲，我認為呢隻係最接近原著的作品。星矢的天馬流星拳，比原著更具破壞力！

青銅戰士入面，最強係一輝，來一招鳳翼天翔，真係乜都比你打死曬，咩都唔駛做。

最廢的竟然係紫龍，因為攻擊範圍太窄，破壞力仲只係中等，係HARD模式對付魔羯座時會處於苦戰。

另外，12宮戰士當中，招式最強的，係獅子座的光速拳，真係全個畫面都打曬，攻擊力仲好驚人，即使對手係黃金戰士，都要好無奈咁防守到扣血致死。

講到遊戲性，其實玩左陣就會覺得好悶，背境來來去去都係一D破官，而能夠有精神打爆佢的動力，就係對星矢的喜愛有份執著。價格上，港幣 230 - 270蚊之間，係星矢迷的話，真係值得一試！

( Cantonese / Tradition Chinese / English )

PS3 - Kill Zone 3

( Cantonese / Tradition Chinese / English )

殺戮地帶3

出名但又唔係話咁好玩
故事係延續上次的戰亂，總之入面個世界係永遠都有唔同既派別係度鬥，就形成左呢個作品係永遠都有續集。

講到遊戲性，都係平平無奇，大部份時間要使用載具，畫面為左制造混亂，令人覺得又煩又嘈。畫面睇上去好似特別緻細，風格有D似XBOX360的GEARS OF WAR。其實，只係將3D貼圖的貼紙，全部加左好多好複雜的花紋，做成左一種高解像度的錯覺。


至於遊戲價格係港幣150蚊或以下，好玩程度係不過不失，唔好抱太大期望。

( Cantonese / Tradition Chinese / English )

PS3 - Uncharted 3 Drake's Deception

( Cantonese / Tradition Chinese / English )

秘境探險3：德瑞克的騙局

有PS3一定要玩！

基本解說，係度唔再講了。
（第一集介紹）
（第二集介紹）

來到第三集仍然係PS3機主的必玩之作，我認為畫面比上集有更驚人的表現，同成為左好多遊戲的模仿對像。又可以打爆機再玩，破解成就，都唔覺得悶。上線模式，我就認為無咩特別。

劇情上，我最愛睇倒既係，呢個迷人的女記者，會返來加重戲份，她同主角DRAKE會有復合的機會嗎？

遊戲價格約港幣150-180蚊，我認為是值得的！

( Cantonese / Tradition Chinese / English )

PS3 FEAR 3

( Cantonese / Tradition Chinese / English )

戰慄突擊3

畫質超靚！

故事
軍方研發新的士兵技術，點知有條女暴走失空，經常穿插係異空間中，由第一集存活至今。而主角POINTMAN係個健全的超能人，具有把時間變慢的能力。軍方發現有研究設拖被奪去，POINTMAN就接受委派調查。

呢隻遊戲個玩法同普通的FPS GAME無咩分別，但勝在畫面超靚！驚嚇指數爆曬燈！不過，只要打爆一次機之後，就無咩可取之處，而上線模式係好鬼無聊。

單人模式，有D關卡一定要駕使機械人，只要諗到果種漫長和笨重的感覺，就好抗拒，雖然畫面同操控都係一流，但敵人的智能反應係好難對付，好多時都會係同一個地方死好多次，至知道點樣過，所以隻GAME打爆左一次之後，都唔想再玩，更加無意欲去解成就。

價格上，只係賣港元90-120，仍然係物有所值。

( Cantonese / Tradition Chinese / English )