( Cantonese / Tradition Chinese / English )
呢個係2012年的產品，設計好精美！當時好快就睇倒二手巿場有人放售，究竟有咩問題呢？
主機套裝賣1580蚊，遊戲就300-600蚊，一D都唔平。宣告停產後，上圖VOLUME 1-5 ，都未能完全收錄曬全部 NEO GEO 遊戲。雖然，部機係可以破解，但係度話你知，破解並唔係完美，有部份遊戲係會爛畫面。
而執行街機檔案，好似 CAPCOM 果類，就要靠按R1制做一個入錢的動作先玩倒，但你接大手制時，你係無R1制比你襟，你係迫著用手提機狀態先玩倒模擬器。對於能支援 SFC 及 MD 遊戲，亦都出現無法 SAVE 的問題。
手提機的畫面，唔係咁理想，但接耳機時，音效相當好。
NEO GEO PACK 1 (賣緊518蚊)，估計係一定要買的，內裡的USB線，可以更新內核，據聞會加強聲畫。如果唔更新，有部份電視透過 HDMI 輸出係會有問題，以我所知，接上 SONY 的 KDL 電視，係會有聲沒畫。
無可否認，透過HDMI 輸出 480p，畫面比電腦「略」好。
不過，綜合上述問題，尤其係執行模擬器時，都明顯不及電腦，我決定唔花錢買 VOL.1 PACK （1580 還加 518，係一部PS3主機的價錢，真係太貴啦！）。咁好好采，7 天內轉售返出去，只是蝕左一個晚餐的錢。
經過試驗，個手制係可以插進 PS3 或 PC 使用，所以我另外用左280蚊淨買手制來收藏，用佢來玩 PS STORE 或電腦模擬器，仲好過留著 NEO GEO X 。
最後，都係建議大家買之前要三思，若純粹對它的設計有好感，當作是精緻的擺設是好的，但在功能上的考慮，明顯係會失望，雖然話佢停左產，但我覺得出面大把貨散唔曬。我諗你睇完呢篇文章都明咩事。
